Popular Bible Verses from Ifisiɛŋ 2

Share

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Kpɛ́ni fêi, ƃɛlɛ-sêe sarâi ƃe ká ƃálo la laa-la sarâi. Kákpîŋ-mɛni kɛ́ɛ fei, gáa a Ɣâla ŋɔsama-sɛŋ tíi kɛ́ɛ fei, a gɛ́ɛ núu é yoŋka tée.

Kɛ́lɛ, Ɣâla ŋɔmaloŋ-kaai kɛ́tɛ̂i, kpɛ́ni fêi, wɛli-kɛ-maa kɛ́tɛ káa ǹyêei kúmɛni ma, berei máŋ kú kɛ̀ a kúsaa la kútɔ̂ŋ karaai sarâi. Ǹyaa ƃe kúkɛ̀ fulu-laa su kwa Kôrai-ni (ƃɛlɛ-sêe sarâi ƃe ka ƃalo la)

è kúmu siɣe saa yêei gîe ma kwa Kôrai-ni. È kúkɛ̀ kwa dîa-ni kú see kwaa tɔnɔ ma Ɣâla-taa Zîsɛ Kôrai sarâi.

Mɛni ma ŋɔ̃yâ fa ŋɔ́nɔ a káa lɔii da kpɛni su, kɛ́lɛ, ka Ɣâla ŋɔnûai kákaa a lɔii tɔnɔ su-ƃela, ká ƃo a Ɣâla ŋɔnuu-suui su-ƃelai da. Kákaa nɔ́ yɛ̂ɛ pɛ́rɛ nyíi dɔɔ̂i Zîsɛ ŋɔsia-ƃelai mɛi da Ɣâla ŋɔlóno kɛ́-ƃelai. Zîsɛ Kôrai ǹyaa kpîŋ káa a bɛ́rɛi zonoŋ-su kɔnii.