Popular Bible Verses from PROVERBIOS 3

Share

Lhip sictamongvoyam: Nongyane nasa colhic ayaco lhip apvalhoc, ingyane sat colhic ayaco Dios. Lhip sictamongvoyam: Colhen sat lhip apvalhoc Dios naysicsa apyiplovquiscama, colhic sat acyantamaclho lhip nintemaclha acpeyvomo, acno amay acpeyvomo.

Lhip sictamongvoyam: Nongyane nasa colhic ayaco lhip apyascamco apanco, itne sat apcayo Dios, noyiplovquis nasa nintemaclha acmasom.

Lhip sictamongvoyam: Ingyane sat colhic ayaco Dios ayinyema lhip apmescama apquilnatam, najan apmescama lhip acyilhna, apvita inlhojo siclhoc anco mataa. Colhamiclhac sat asoc apanco acyitnamaclha lhip apquilnatam, najan mepqui apsovjomo lhip acyilhna ayingmenic sat cotnejic.

Lhip sictamongvoyam: Nolvatesquim nasa aptemaclha apcasicjayo najan actomja nasoc anco, coyit sat apvalhoc. Colhojoc sat actemaclha apnatanma.

Lhip sictamongvoyam: Notanov nasa eltamsacpoc lhip ayinyema Dios. Notanov nasa aplingamco inlhojo apyanmongsayclha Dios lhip aptemaclha. Apyanmongsaclhec Dios nintemaclha inganco naysicsa singasicjayo, yoyam jingilmeyvoc nincoo. Acno enlhit apyanmongsayclha aptemaclha apanco apquitca mayasicjayo.

Lhip sictamongvoyam: Iyiplovcasojo mataa actemaclha singiltamsoycaoc. Coyit mataa apvalhoc siyanamaclha coo. Lhip sictamongvoyam: Etyisam sat lhip acvoncaclhojo aclhamoclhojo años, acyiplomo actamilaycam lhip apvalhoc.

Ningilinyejemo mataa nincoo, acyitna inlhojo acyascamco ingvalhoc, ningiltomja inlhojo ningyascamco. Actamila anco ningyascamco, am colhno asoc acmamnave plata najan oro. Acmamnave anco ningyascamco, am colhno asoc acmamnave alnatanma. Acmamnave anco ningyascamco, am colhno asoc acmamnave ayitsepma ingnenyic.

Lhip sictamongvoyam: Apvanquic sat ancoc lhip epasmoc poc enlhit mepqui apquilnatam, ipasmiclha quilhvoc anco.

Apquillanac nic nat Dios netin najan nalhpop, ayinyema acyascamco apvalhoc.