Popular Bible Verses from SAN MARCOS 4

Share

Yejemoc alhta aplhaticja. Apquilyasquic alhta ilhma piyam. Aptomjac alhta apcanya yingmin: —Nani, covanma —alhta aptomjac. Yejemoc alhta apquinmantamo piyam. Natamin quilvineclhoc alhta ilhma. Aptomjac alhta apquilanya Jesús: —¿Soctomja apquilaca nac qui? ¿Soctomja apquilyascacmo nac quellhip? —alhta aptomjac.

Avanjec alhta apquillay apquiltamsoycaoc. Apquilpamejitsacpec alhta: —¿Soc enlhit aso? Yejemoc apquilyajaclho piyam najan yingmin —alhta apquiltomjac.

Aptinquic alhta Jesús barco atala netin aptiyanmeycaoc. Yejemoc alhta apquillhaticjasa: —Visqui, ¿am ya incacoc apnenyic ongmascoc nincoo? —alhta apquiltomjac.

Apquiltimnasamquic alhta mocjam: —Collhenam sat ingilvalhoc amyaa ninlingay nincoo. Colhojoc sat acyanmongayclha acno ningilyipsatem asoc. Ingyimjamesentac sat mocjam.

Apquiltimnasamquic alhta mocjam: —Dios apquilnancascama acyitsomalhca enlhit apquinayclha actic. Aptinquic alhtaa, aplhaticjac alhtoo. Intipquic apquinayclha, inquictinquic anco. Meyasamcoc enlhit actemaclha ayictingam.

Ingjaycaoc innac nincoo, pac ongilaylhojo —alhta aptomjac Jesús.