Popular Bible Verses from Hipru 13

Share

Pevna almoa beswonam sungiavhoapro, dimba muemb hlalmba. Wo nona yemoa wohkanandhawol vevra, ten pev noi wulavm. Sesoava os ona, Kava si yemba nombolvramoa, kava si yemba mai vevramoa.

Yesus Kristusva eva osta luhunv pimba, om, detim, wo osangas yunalm.

Wo pivva osva ningv, tanam, wo uvra, Kava si pemba vivramoa, manara noinda mendekli kamba kolvravra, indhanamba mana vemava kamba vinivrava.

Manam yimba maivithivav, beswonamba vinilmba mongnindmba. Wo wonamong vevm hemoa, yimba nomba iaevulvrava. Hona wevsara Sesoava indk vethav.

Wo noinda osva elsusoa pioa Sesoam okuluvmona velohra. Memba pivna okolal phunv pivna moarini, ten piv sevra ovrivm hem, os Yesusva mendekli lohv. Memba pina Kristusnindna tatasowamsnamba luhunv.

Onganungmoa longong vrivra indkumbioa. Tlal ongal hevna evrowolalmoa, hengava manam emuksawoksava evevav. Sesoava sesm si vinvav hindmba, nomba temba iaindavpa ongariskuirava.

Ningvm, deisumbisuv velm ilorinim pevna deuvram. Monglava indhanamba doa vina honamba, deisumbisuv vena ovsongolnindmba maim titnam.

Kava sembayang vev, osm Sesoa si yemba vinvav, osm yimba wevsabesalna avra, wo yimba vivra, nomba osva himba temba undva vrevpa. Sesoava noi, pim ten sandhavm, indwonam alm, himba noi, ten wolaihaphonam pokamarini pina mendeklim Yesus Kristusm, mendekli sipsipna kekalvhonindrini. Sesoava wolaihaphona hemba, noinda tovolva hevna dahallinira. Henamba tovolva pinamba novmba wuleihinna, osm Sesoana moamba tanam, nom Sesoa ten wonvenam hevtindim. Wo hona moamba si mueisowa vevavmoa yunalm, wohloholm, nonapopolm alm beswonam. Kava sembayang vev, osm Sesoava Kristusnashara si vinvav pimba, noindava himba indk vethavpa. Wo eva Yesus Kristusnanamba himba pimba indkumbimba daswolvav no wevsana, hev ten und vevm, wo elsusva pivva hemba okuluvmona vevra. Tanamta.