Popular Bible Verses from མད༌ཐཱ༌ 21

Share

ཀལ༌ཏེས༌ ཏད༌པ༌ ཅོས༌ཏེ༌ ཁྱོ༌ཞའེ༌ མོས༌ལམ༌མི༌ ནང༌ང༌ ཅི༌ཞིག༌ ཞུ༌ནའང༌ ཁྱོ༌ཞ༌གུན༌ལ༌ ཐོབ༌ཨིན༌།”

ཡེ༌ཤུའི༌ མོལས༌, “ངའེ༌ ཁྱོ༌ཞའ༌ དེན༌བ༌ ཟེར༌རད༌, ཀལ༌ཏེས༌ ཐེ༌ཚོམས༌ མེད༌པ༌ དཀོན༌མཆོག༌ག༌ ཏད༌པ༌ ཅོ༌ན༌, ཁྱོ༌ཞའེ༌, ངའེ༌ ཕིག༌གི༌ ལྕང༌མའ༌ ཅོ༌ཁན༌བོ༌ མ༌ཚད༌ འི༌ རི༌བོའང༌, ‘སོང༌, ཁྱོ༌རང༌ གྱ༌ཚོའེ༌ ནང༌ང༌ ཕོང༌’ ཟེར༌ན༌ ཏེ༌བོ༌ ཅོའ༌ ཛད༌ཨིན༌།

ཡེ༌ཤུའི༌ དུན༌ནེ༌ གྲུལ༌ཁན༌ ཡང༌ གྱབ༌ནེ༌ ཡོང༌ཁན༌ནི༌ མི༌ཚོགས༌སི༌ ཀུ༌ཅོ༌ ཏང༌ཨིན༌ ཟེརས༌, “གྱལ༌པོ༌ དཱ༌བིད༌དི༌ པུར༌གྱུད༌དི༌ ཕིའ༌ དཀོན༌མཆོག༌ག༌ སྟོད༌པ༌ ཕུལ༌, གཙོ༌བོ༌ དཀོན༌མཆོག༌གི༌ ཝང༌ཆའེ༌ ནང༌ང༌ སྐྱོད༌ཁན༌བོ༌ ཅིན༌ལབས༌ཅན༌། ནམ༌ཁའ༌ ཞུགས༌ཁན༌ནི༌ དཀོན༌མཆོག༌ག༌ སྟོད༌པ༌ ཕུལ༌།”

ཡེ༌ཤུའི༌ ཁོང༌གུན༌ལ༌ མོལས༌, “ཏམ༌པའེ༌ སུང༌རབས༌སི༌ ནང༌ང༌ དཀོན༌མཆོག༌གི༌ མོལ༌ལ༌ ཛད༌ཏེ༌ དུག༌, ‘ངའེ༌ ཁང༌པའ༌ མོས༌ལམ༌ ཞུས༌སའེ༌ ཁང༌པ༌ ཟེར༌ཨིན༌,’ ཨིན༌ནའང༌ ‘ཁྱོ༌ཞ༌གུན༌ནི༌ ཏེ༌བོ༌ ཅག༌པ༌གུན༌ནི༌ བའོ༌ ཅོས༌ཏེ༌ དུག༌།’”

“ཡེ༌རུ༌ཤ༌ལེམ༌པ༌གུན༌ལ༌ ཟེར༌, ‘ལྟོས༌སའང༌, ཁྱོ༌ཞའེ༌ གྱལ༌པོ༌ ཁྱོ༌ཞའ༌ ཡོད༌ས༌ ཡོང༌དུག༌, ཁོང༌ ནི༌ ཉམ༌ཤུང༌, བུང༌སར༌རི༌ཀ༌ ཞོན༌ཏེ༌ ཡོང༌དུག༌།’”

ཡེ༌ཤུའི༌ ཁོང༌གུན༌ལ༌ མོལས༌, “ཏམ༌པའེ༌ སུང༌རབས༌སི༌ ནང༌ང༌ བྲིས༌ཏེ༌ ཡོད༌ཁན༌བོ༌ ཁྱོ༌ཞའེ༌ མ༌སིལ༌པིན༌ན༌? ‘ཀ༌ རྡོའ༌བོ༌ ཁང༌པ༌ རྩིག༌ཁན༌གུན༌ནི༌ ཕན༌མི༌ཐོགས༌ ཐེས༌, ཏེན༌ན༌ རྡོའ༌བོ༌ ཁང༌པའེ༌ ཀྲུ༌རྡོའ༌བོ༌ གྱུར༌ ཀ༌བོ༌ ཚང༌མའེ༌སང༌ ཁག༌ཅན༌ རྡོའ༌བོ༌ ཨིན༌ནོག༌། འི༌བོ༌ གཙོ༌བོའེ༌ ཅོའ༌ ཛད༌ཏེ༌ ཨིན༌ནོག༌, ཏེ༌བོ༌ ཐོང༌ཏེ༌ ང༌དང༌ མ༌ ཧ༌ལས༌ཨིན༌།’”

“ཏེ༌བོའེ༌ཕིའ༌ ངའེ༌ ཁྱོ༌རང༌གུན༌ལ༌ ཟེར༌རད༌, ཏ༌ ནམ༌ཁའེ༌ གྱལ༌སྲིད༌དི༌ ནང༌ང༌ ལེབ༌ཅེས༌སི༌ སྐབས༌ ཁྱོ༌ཞ༌གུན༌ནི༌ ཀ༌ནེ༌ ཁྱེར༌ར༌ ཛད༌ཏེ༌ ནམ༌ཁའེ༌ གྱལ༌སྲིད༌དི༌ བྲས༌བུ༌ ཟང༌པོ༌ སྐྱེ༌ཁན༌ མི༌གུན༌ལ༌ སལ༌ལ༌ ཛད༌ཨིན༌།