Popular Bible Verses from FAA WULOAI KƐNƐ MA 9

Share

Nu ƃusei mataitiɛ tɛ lɛ ŋɛni te vaani faa ƃoei niitiɛ zu, natiɛ tɛ lɛ kɛɛni tɔ wulu ɣaa ʋe te ƃɛtɛ ŋɛniitiɛ va ɔ́ nɔ ɣɛ ga te ƃe gɔʋɛ yowũ ʋeliai va ta maa‐niini galagitiɛ te ƃɛtɛi ga zɛniga ta kaniga ta kpaaʋa ɣalaga é vɛɛ kwɔtia va ta gulua. Natiɛ ta ga galagi niitiɛ tɛ lɛ zooga tɔ wɛlɛ ɔɔ te faa mɛni ɔ́ nɔ ɣɛ ga te ziɛ. Numai niitiɛ ƃɔɔ tɛ lɛ wɔnɔ ƃalaa wulu ɣaa ʋeni ta nu‐vaa ʋaitiɛ va ta ta maa‐wɔlɔ‐wɔlɔ sale yeke‐kɛɛ. Tɛ lɛ wulu ɣaa ʋeni ta wɛ̃ɛ‐ziɛ‐bo fai va ɔ́ nɔ ɣɛ ga te wulu ɣaa ʋe ta wũmɔ ʋai va.

Na ɣɛɛzu kotoga tiɛ wulo duulii zu tiɛ va zui ma. Tɔwɔ te gaa‐ƃaa ʋeeni te ya è ɣɛ velei nɔ ŋaku ɣaaliitiɛ ta ɣaa‐ƃai la zui zu. Te boni te ma ga te mɛ lɛ ŋada ɣɛ guitiɛ va ɔɔ guluitiɛ ɔɔ kpɛtɛ ŋɛni mazii ta nɛpɛ. Kɛ̀ ta faa ɣɛ ga numai niitiɛ Gala na kɔlɔ‐laa‐ƃakpa ŋɛnii lɛ te lodala ga zée‐wo.

Gala ta ɣeelai doolu kelei zɛba sa é ná dɔ wui ʋɛ. Nà ɣɛɛzu gìɛ wɛlɛ sɔmɔ deka va kuloai gee‐zuvɛ é loo zui ma. Te ƃɛkpɛ zeɣei laavɛ mayiliɣii ʋeeni zéea.

Te ʋaani bu te ya ga te wãla‐lɔɔ wulo ga tiɛ ɣalo dooluo yee wu. Kɛ̀ te mɛ lɛ te vaa. Tɔwɔ wãla‐lɔi ta ɣɛ kulozu ga tiɛ towaa wulo è ɣɛ ŋaku ɣaali ɣa nu ŋii.

Te maazu nu ɣa te ya ga ɣalaso gwalai ɣavele. Te maazu nui na ɣa ga Gala ta ɣeelai é ƃɛkpɛ zeɣei ʋaa ma. Ná daa‐zeigi ɣa Hiiƃulu woi zu ga Abadɔ̃, tiɛ tili Geliiki woi zu ga Apɔɔliã, na ɣa ga su‐ŋala‐ŋala‐bo nui.