Popular Bible Verses from HIIƂULUITIƐ 4

Share

Su‐wulo‐zu ɣa ga Gala daa woi ɣa ga ŋɛnii kɛɛ‐zu ma maʋaa maa wui‐wuigɛi. Gaa liɛvɛ é leve gaa‐fele boa ta nɛpɛ ba. Towaa lɔ nu ƃɔga zɛʋui te yɔɔzu é pele la te yɔɔzu, nu maɣai vile‐suvɛ da ta maɣai maƃɔlɔi yíɛ pele la te yɔɔzu, nu na ki‐gaa‐ziɛi ƃɔga zaƃui yá ɣɛ kigi zu yíɛ natiɛ yɔɔzu wulo.

Nii mavelei ma a de lɔtɔ maa‐wõi‐ɣaa ƃɔ‐bai mamasa kpɔkpɔgi va ga duo lala, kɛɛ ʋaa ma maa‐wõi‐ɣaa wo ga diɛ ga de kpɔ‐ba maa zɔlɔ wo siɛgi zu maƃala ɣa loo la de ma.

Ƃɔvɛlaale laa‐ʋaale gɛ lɛ de ya ɔ́ ɣɛ ga nui nii zobo gɛ lɛ bɛ́ ga é de maa wõi zo da zobo‐bala‐bɛ ʋai zu. Kɛ̀ laa‐ʋaalegi nii é de ya tɛ‐ga woga la pele mazii ɣaazɔ zu è ɣɛ velei nɔ é ɣɛɛzu la ga diɛ. Na pɛ ge ɣɛɛvɛ, faa yowũ ʋaa lɛ maʋaa va.

Ʋulu ŋɛni ta nɛpɛ gɛ lɛ loowuni Gala gaazu. Te pɛ te laavɛ kpawu nui nii ɣaazu de vaazu woo zu wulozu gáazu ƃɔɔ ti.

Tei tɔwɔ laa‐ʋaale kpakpa wala de ya nii é levega gee‐zuvɛ, na ɣa ga Ziizɛ nii é ga Gala dui, pagɛ a de ɣata fai nii va de siɣia ga gaama.

Na ma pagɛ diɛ wɔ ga de li doowo ŋada laavɛ minɛ, kɛɛ ʋaa ma goo‐mɛni tala zii ɣilagi nɔ mɛ lɛ kɛ nu ta nɛpɛ gɔ ziɣi pele va.