Popular Bible Verses from KOLASAITIƐ 2

Share

Na ma è ɣɛ velei nɔ wo yee zeiya la Ziizɛ Kolai wu ga wo maliɣi, a wa ŋeteai ɣɛ ga velei nɔ wo la su ɣilekpu wa tiɛni, wo yãta viligɛi wo maʋaa liai ga zee luo vele wo ɣɛɛ vele ma su ɣilekpu wa tiɛni, wo ɣatagɛi wa yee‐la‐mai va, è ɣɛ velei nɔ kala‐bogi wogɛi la ga wiɛ. A ɣɛ wɔnɔ ga mama tamaa ʋee vea Gala bɛ.

A mɛ lɛ ƃe ba nu ta laa ɔ́ zoo wo la ga ná kuu‐zu laali ta gaa‐wɔlɔ yãka, manui wɔ ɛ́ lɛ ɣɛɛ kɛɛzu Kolai na dɛi mavele ma. Kɛ̀ to mu yíɛ kɛ nu ƃuse yaa ʋai mavele ma yíɛ wɔnɔ kɛ zuu ƃɔga gee te zu ɣaa‐ƃai mavele ma.

Wai wɔlɔ wo zai ɣɛ wa lɔ‐kãla‐ŋala tuoi zu ta wo zei tɛ lɛ ŋɛni boni kpoto ma nà maʋai, Gala ge wo vɛɛni Kolai va é zɛʋu loo wo zu. É nii ɣɛɛni tei sa é de zu ʋaa yɛni da lɔ‐kãla‐ŋala fai ɣaazɔ zu. Na ɣa ɣɛɛ na nii tɔgi boni ga é ɣɛ ga de vaa ʋaa, é natiɛ ziɣia ma. É te ziɣini de wũmɔ é da ga tee kpako pele ma gului ma.

Ƃɔvɛlaale Kolai lɔtɔi zu ɣa Gala kagi na ga gaa woolia. Tɔwɔ wo ɣɛɛ vele ma su ɣilekpu wa Kolaini wo zɛʋui maa zɔlɔ woga ga daa ʋega. Towa é ga maazu‐ʋaa‐wo‐bo fai mawũ ta gaa‐ƃai ɣaazɔ.

Na ma a mɛ lɛ ƃe ba nu ta nɛpɛ gɔ faa yɛ wo ma daa‐mii ŋɛni ʋaa zu ta kpoale ŋɛni ƃoale ʋaa ɔ́ nɔ ɣɛ ga manui kɛ kuu‐ɣaa ʋaa zu ɔɔ ɣalo‐toga niinɛ ʋaa ɔɔ doowo foloi ʋaa. Fai nii é vaazu ɣɛɛzu niitiɛ ta nɔ ga maʋai maa niini. Kɛ̀ maƃɔɔƃɔɔgi ɣa Kolai ya.