Popular Bible Verses from KƆLĨITIƐ 9

Share

Tɔwɔ zobo ka Gala bɛ ga é kɛ tuuyiɛ mazii ɣaazɔ ɣɛ wo ma ga su wɔɔlɔ, kɛɛ ʋaa ma ŋɛni zii ɣaazɔ ɣɛ wo ya ga kulo‐ɣɛɛ‐woga siɛ ta nɛpɛ su. Na ɣa ɣɛɛ na kavele zu ɣɛ wo vɛ ga gwala tii vagɔ ta nɛpɛ kɛɛ ʋaa zu.

Kɛni wo ɣile‐giledai ɣa kɛ nɔ è ɣɛ velei manui ɣa kpɛtɛ la ɣigi zu ga é kɛ. Ɛ́ lɛ ga manu kɛ ga ƃala pele gá ɔɔ é kɛ kɛlɛ‐gbɛdɛi maazu. Ƃɔvɛlaale Gala ge wõini ga nui yá faa‐nɛɛ ɣɛ ga kuu zu nɛɛ.

A ɣi zɛ nii zu. Na ɣa ga nui ɣá sii‐zii ŋɛni zei ga gile‐gile ga ki‐kpaa vele maɣai ma towaa gaa vai wulo nɔ ga gile‐gile. Kɛ̀ nui yá ɣi kulo ná dɔ zii‐zii ŋɛni ɣai zu é sei ga tama pele manui ɣa gaa vai wulo nɔ ga tama pele.

Nui nii é mɔlɔ zuwui wulozu woza‐vili nui ʋaa ma yíɛ de wɔ̃nɔ kulo na mavele ma towaa mɔlɔ zuwui maa wɔɔlɔ. Wa luo vele vagɔ‐ɣɛɛ nii é ga mɔlɔ‐leveai é na maʋaa zu wɔɔlɔ ma. Wa ƃɛtɛ pelei ɣaazɔ zu wo ɣɛɛ ʋai ma ga gaazu‐wodo vea ƃakpa wala. Gé zaalai zu numaa ta mama fe Gala bɛ wo ɣaazu‐wodo ʋai nii ma.

Gala mama ná faa‐nɛɛ walai nii ʋaa ma nu lɛ bo pele ɣaa!