Popular Bible Verses from KƆLĨITIƐ 5

Share

Na ma ani nu ƃɔga Kolai ta su ɣilekpu, manui ɣa ga nui kpɛtɛi ga niinɛ. Faa wɔlɔ‐zaɣagi ƃea gá, maniinɛi vaa.

De mazaƃui ma nui nii ɛ́ lɛ ŋɛni faa yowũ ʋaa ɣavele wɛ̃ni Gala ge kɛɛni ná dɔ laa ɣɛ faa yowũ maʋaa va, kɛɛ ʋaa ma de ɣɛɛ vele ma su ɣilekpu da tiɛni nà kɛ de wɔɔ laa ɣɛ Gala na tele‐bo tuoi‐ɣɛɛ ʋaa va.

Da ziɛzu ga de laa vele la, ɛ́ lɛ ga de wɛlɛ vele ba.

Nii ɣaazɔ wulovɛ Gala zeea. Towa é de yɔɔzu ƃɛtɛɛ da tiɛni Kolai zaala zu é zɛba é zɔɔzu‐ƃɛtɛ lii ʋe de ya. Na zu‐wulo‐zu ɣa ga Gala ka é kɛɛni Kolai yìɛ te yɔɔzu ƃɛtɛ ta nu ƃuse é yee wulo ta lɔ‐kãla‐ŋala fai zu nii é yɛga te va ga faa é de lo zɔɔzu‐ƃɛtɛ ɣeela woi‐wo fai ƃawola.

Na ma da ɣa de ga Kolai ɣaazuvɛ. Gala ka kɛɛzu diɛ ná fai la numaa vɛ. Gá wo maa nɛɛnɛsu ga Kolai woo ga wa Galani wo yɔɔzu ƃɛtɛ.

É zaani nu pɛ faa ma, kɛɛ ʋaa ma taitiɛ te ŋɛtea te mɛ lɛ sa wɔlɔ‐wɔlɔ ŋeteai ɣɛ ƃɔɔ ʋaa ma, kɛ̀ tiɛ kɛ máʋaa ma. Towa é ga nui nii é zaani é wu ziɣi kɔnɔ saa ya te mazabu ma. Na ma é ziɣi sa zai ŋɛ ni ma é li ga tuo, da ɣi‐gaa‐ziɛi é vile nu va ga nui mazii é le ɛ́ lɛ ziɣia nu ƃuse ŋeteai la. To mu velei wɔlɔ de ɣɛ ɣi gaa ziɛzu la é vile Kolai va ga nui mazii é le siɣiai ɣɛ nɔ nu ƃuse ŋeteai la. Kɛ̀ dɛ lɛ sa wɔlɔ‐wɔlɔ ɣi gaa zia ɔ́ vile ba ga pelei na zu vele.

Kolai na wõilai é gé ɣigi zu towa é deʋe wulozu ga gíɛ, ƃɔvɛlaale gé laavɛ la ga nu ta zaavɛ nu pɛ faa ma. Na ma nu pɛ ge zaa.