Popular Bible Verses from 1 PITE 4

Share

Tei tɔwɔ wõila ɣa faa yowũ lama‐lama maa ƃoale, nii é ga maƃigi tɔ ga wo mɛ lɛ ʋɛŋɛ wõilai zu é wo ya ɣiini faa ma.

È ɣɛ velei nu ɣile‐giledai zooda ʋaa maa zɔlɔ woga la, a tii ɣɛɛ la ŋɛ ni ɣiini faa ma. Gala na kpɔ‐bai é ga de zooda ʋaitiɛ máa ʋeli‐feligɛ. Na ma a de tii ɣɛ ga tiɛ ga velei ná tii‐ɣɛɛ vea vagɔa ta kɛɛ la.

Nui nɛpɛ daa ɣa ʋa, pagɛ é ƃɔɛ è ɣɛ Gala daa woo‐wo nu. Nui nɛpɛ yá ɣɛ kpɔ‐ba wosu, pagɛ é kɛ è ɣɛ nu ɣa ɣɛ tii ɣɛɛzu ga su‐ƃai nii Gala ge pua dɔtɔ zu. Niitiɛ ta ɣɛ kɛɛ ʋaa ma daa‐maa‐lɛɛ wo ga Gala fai ɣaazɔ zu Ziizɛ Kolai zaala zu. Towa po ge ga saala‐malai ta gaa‐ƃai wɔlɔ‐wɔlɔ ta wɔlɔ‐wɔlɔ. Na nɔ yá ɣɛ.

Nà pɛ ge ɣɛɛvɛ, ani nu ta ɣa ɣɛ na laa nɔwɔ wosu kɛ́ɛ vele ma ga Kolai maa nu, pagɛ manui mɛ lɛ ɣɛ wũfesu. Kɛ̀ pagɛ yíɛ ƃaa la Gala ma Kolai na daa‐zeigi na yee wu.

Faa pɛ mawɛ̃ɛ‐pele‐ma maa ƃuovɛ sa. A ɣata ɣɛɛ va ga nui gaazu lai ga daa vele wo ɣaa leiyai wa Ɣala‐feli ʋai ma.

Wõìla veaitiɛ, ŋabu ƃotoi wo vaazu siɣizu máʋaa mɛ lɛ wulo ga wiɛ yà ka è ɣɛ faa ta ɣa ɣɛɛzu ga wiɛ máʋai wo ma ga wɛ̃ɛ. Kɛ̀ a wiɛ kuu‐zu‐nɛɛ wulo ga velei wo wɔɔ laa zolowosu la Kolai na daa‐nɔwɔ‐wogi zu, kɛɛ ʋaa ma ná saala‐malai maʋaa ɣa wulo na kɛnɛ ma wo kuu‐zu‐nɛɛ ƃakpa wulo ƃalaa pɛ.

A gaazu‐wodo luo wo ga ɣiini wo wuu zu vagɛi ɣiini faa ma.

Na ma pagɛ niitiɛ ta ɣɛ laa nɔwɔ wosu Gala zii‐mai mavele ma tiɛ pele‐ma ʋaa ɣɛ, ŋɛni‐pɛ‐kpɛtɛ nui logɛi tiɛ te yɛʋui maʋaa ƃawola. Tɔ ga nui nu ɣa laa la.

Na ma tei tɔwɔ Kolai laa nɔwɔ woni nu ƃuse ŋeteai zu, a kɔɔ‐wɔɔ maa‐ɣili bo na ga ki‐gaa‐ziɛ zii ɣilagi na nɔ. Toku ge zei ga nui nɛpɛgi é laa nɔwɔ woga nu ƃuse ŋeteai zu, manui ƃe ge levea faa yowũ va, kɛɛ ʋaa ma é mɛ lɛ sa ná ŋeteai matai ɣɛ nu ƃuse na ŋɛni‐wõi‐leve‐ma velei zu. Kɛ̀ towaa kɛ Gala zii‐mai mavelei ma.

Ani ta ɣɛ na faa wosu ga wo la Kolai na daa‐zeigi mazaƃu ma, tuuyiɛ ɣa ɣɛ wo ma. Ƃɔvɛlaale Gala na saala‐malai nii é ga baa ŋinɛgi tɔ wo zaama.