Popular Bible Verses from 1JƆ̃ 3

Share

Dèa woloitiɛ, a de mɛ lɛ wõila ɣɛ ga laa‐woo‐zu ʋaa ɔ́ nɔ ɣɛ ga de kɛ ga faa‐zu‐wuloa. Kɛ̀ a de kɛ de ɣɛɛ ʋai zu ta gaamai.

Nii ɣa da wõila wɛ̃ɛ da. Na ɣa ga Kolai yɛʋui yɛni de ʋaa zu. Tɔwɔ kɛni a da yɛʋui yɛ de vaitiɛ ʋaa zu.

A wɛlɛ velei va de wõiyai la de ɣeea Gala bɛ ga velei te de lilisu la ga déa. Tɔwɔ vele ɣa na de la. Zaƃui ŋeteai nii zu veaitiɛ tɛ lɛ de wɛ̃ni la tɔ ga tɛ lɛ ŋɛni Gala kagi wɛ̃ni.

Nui katagɛi faa yowũ‐ɣɛɛ va tɔ ga dɛvele na dɔ. Ƃɔvɛ‐laale dɛvele ɣɛɛvɛ nɔ faa yowũ ɣɛɛzu é ziɣi tɔɔ‐zei ʋolo ma. Zaƃui Gala dui wuloni ma é ɣɛni ga é dɛvele ɣɛɛ liitiɛ zu ŋala‐ŋala.

Nui nɛpɛgi é ga Gala duu ɛ́ lɛ ɣataga faa yowũ‐ɣɛɛ va, ƃɔvɛlaale Gala na ŋeteai‐ƃɛtɛ velei ɣa ɣɛ manui yii zu. Na ɣa ɣɛɛ na ɛ́ lɛ zooga ɔ́ ɣata faa yowũ‐ɣɛɛ va, ƃɔvɛlaale tɔ ga Gala duu.

?Kɛ̀ ani ŋeteai nii zu ŋɛnii ɣa ɣɛ na nu ta nɛpɛ zeea, manui wɛlɛ bɔ́ɔ nu va kpalai, tɔwɔ é ɣi kpaa ma tuo, Gala na wõilai ɣa ɣɛ ɣɛ le kígi zu?

Taitiɛ nɛpɛ te ziɛzu ga ná tɔgitiɛ ta tiɛni ta ɣɛ su ɣilekpu wɔ. Na ɣa ɣɛɛ na towaa ɣɛ te yii zu. Nii wɔ ka da kwɛ̃ɛ da ga tɔ de yii zu. Na ɣa ga Gala baa ŋinɛgi é tevega de wɔ vɛ.

Niitiɛ te ga Gala dea ta niitiɛ te ga dɛvele dea, nii ɣa nu ɣa te yɔɔzu maa ƃɛɛ la. Na ɣa ga nui ɛ́ lɛ gaama luo wosu ɛ́ lɛ ga Gala na dɔ, ɔ́ nɔ ɣɛ ga nui ɛ́ lɛ wõini ga bɔ́ɔ nu nà ɣɛ ga Gala na dɔ.

Keela woi nii ɣa wo mɛnini ƃɔɔ ga tɔɔ‐zei ʋolo. Na ɣa ga a de wõi ga ɣiini.

Nà numaa, ŋeteai nii zu veaitiɛ zilii bogɛi ga wiɛ máʋai mɛ lɛ wulo ga wiɛ.