Popular Bible Verses from Shpricha 22

Share

Lann en kind vi eah gay soll, un vann eah moll ald vatt drayt eah nett vekk difunn.

Daymoot un di furcht fumm HAH, bringa reichheit, eah un layva.

En goodah nohma is may veaht es feel reichheit, un goodi eah is bessah es silvah un gold.

Mach dich nett en freind mitt en zannichah mann, hald dich nett uf mitt aynah es kshvind bays vatt

En mann es geahn gebt zayld ksaykend vadda, fa eah gebt funn seim broht zu di oahma.

En mann es denkt, saynd di kfoah un fashtekkeld sich, avvah di dumma gayn on un missa leida difoah.

Di reicha roola ivvah di oahma, un sellah es laynd is en gnecht zu sellah es eah glaynd hott difunn.

Di reicha un di oahma sinn gleicha in ay ding; da HAH hott si awl gmacht.

Rawb di oahma nett veil si oahm sinn, un drett selli nett nunnah am richts-doah es in noht sinn; fa da HAH zayld ufshtay fa si, un nemd's goot layva vekk funn selli es iahra recht vekk nemma.