Popular Bible Verses from Shpricha 11

Share

Veah reichlich gebt, zayld goot ab sei, un veah anri reichlich gebt zu drinka, zayld selvaht nett fadashta.

Ay-ebbah gebt geahn, un grikt yusht noch may; en anrah haybt zrikk vass eah gevva sett, un vatt yusht noch oahmah.

Vo shtolsheit is dann kumd glei shohm, avvah veisheit is bei di daymeedicha.

Vo's kenn goodah roht hott, dann gayn di leit unnah, avvah vo feel roht-gevvah sinn, datt sinn di leit aus di kfoah.

Di frucht funn di gerechta is en bohm funn layva, un veah mensha sayla sammeld, hott veisheit.

Ebbah es kshvetzah drawkt hald sacha nett ruich, avvah ebbah es gedraut sei kann hald sei maul ruich.

En bamhatzichah mann dutt sich selvaht goot, avvah en unfashtendlichah mann dutt sich shawda.

Veah sich falost uf sei feel geld zayld falla, avvah di gerechta zayla vaxa vi en greeni blatt.

Feel geld helft nix am dawk fumm zann, avvah gerechtichkeit hald dich aus di kfoah fumm doht.

Iahra unshuld fiaht di ufrichticha, avvah iahra falshheit bringd di uneahlicha zu nix.

Vi en goldichah ring in en sau iahra shnaut, so is en shayni fraw unni goodah fashtand.

Da HAH hast en vohk es uneahlich veekt, avvah en eahlich gvicht is eem kfellich.