Popular Bible Verses from Shpricha 10

Share

Da sayya fumm HAH macht em reich, un gebt kenn dreebsawl mitt.

Vo feel vadda sinn, datt is di sind aebt fa sei, avvah veah sei leftz zu haybt, hott veisheit.

Da hass macht shtreit, avvah di leevi dekt awl unsah sinda zu.

Fauli hend macha ebbah oahm, avvah fleisichi hend macha ebbah reich.

Veah sich famohna lost is uf em vayk zu layva, avvah veah's recht-setza nett ohnemd gayt fafiaht.

Veah eahlich laybt, lawft unni kfoah, avvah veah uneahlich laybt vatt auskfunna.

Di furcht fumm HAH macht's layva lengah, avvah di yoahra funn di gottlohsa vadda fakatzt.

Da HAH lost di gerechta nett hungahrich gay, avvah eah hald di gottlohsa funn greeya vass si havva vella.

Vann da shtoahm moll fabei is, dann sinn di gottlohsa nimmi datt, avvah di gerechta shtayna shtandhaftich fa'immah.