Popular Bible Verses from Jeremia 31

Share

Da HAH is zu miah kumma funn veit ab, un hott ksawt, “Ich habb dich leeb katt mitt en ayvichi leevi, so habb ich dich zu miah gezowwa mitt shtandhaftichi-leevi.

Ich mach selli es meet sinn viddah frish un selli es matt sinn viddah shteik.”

“Avvah dess is es bund es ich macha zayl mitt em haus funn Israel noch selli dawwa;” sawkt da HAH, “ich du mei ksetz in si nei, un shreib's uf iahra hatz; ich zayl iahra Gott sei, un si zayla mei leit sei. En mann zayld nimmi sei nochbah adda sei broodah lanna, un sawwa, ‘Lann da HAH kenna,’ fa si zayla mich awl kenna, fumm glenshta zumm grayshta,” sawkt da HAH, “veil ich iahra ungettlichkeit fagebb un nee nimmi an iahra sinda denk.”

Di zeit is am kumma,” sawkt da HAH, “vann ich en nei bund mach mitt em haus funn Israel, un mitt em haus funn Juda. Es zayld nett sei vi's bund es ich gmacht habb mitt iahra foah-feddah, vo ich si bei di hand gnumma habb fa si aus Egypta fiahra, sell bund es si gebrocha henn even vann ich zu eena voah vi en mann is zu sei fraw,” sawkt da HAH.