Popular Bible Verses from Jesoiya 40

Share

Eah gebt macht zu selli es matt sinn, un gebt graft zu di shvacha.

Even di yunga vadda meet un shvach, un di yunga mennah shtolbahra un falla. Avvah selli es voahra uf da HAH, zayla frishi graft greeya. Si zayla fleeya mitt flikkel vi di awdlah; si zayla shpringa un nett meet vadda, si zayla lawfa un nett shvach vadda.

Doond diah nett vissa? Hend diah nett keaht? Da HAH is da ayvich Gott, deah es di endah funn di eaht kshaffa hott. Eah vatt nett shvach adda meet, nimmand kann begreifa vi eah sach fashtayt.

En shtimm is am roofa un sawkt: “Rishtet en vayk deich di vildahnis fa da HAH, machet da vayk deich's drukka land grawt fa unsah Gott.

Es graws favelkt un di blumma falla ab, avvah's vatt funn unsah Gott shtayt fa'immah.”

Di hallichkeit fumm HAH vatt offenboah gmacht, un awl mensha mitt-nannah zayla's sayna, fa's maul fumm HAH hott kshvetzt.”

Alli niddahrah blatz vatt ufkohva, un alli berg un hivvel vatt niddah gmacht; da unayva grund vatt ayva gmacht un di grobba bletz vadda glatt gmacht.

Vi en shohf-heedah, gebt eah acht uf di drubb, eah geddaht di lemmah in sei eahm, un drawkt si in sei shohs; eah fiaht selli mitt yungi shloh.

Hayvet eiyah awwa uf un gukket in di hay; veah hott awl dee shtanna gmacht? Eah fiaht si awl raus bei nambah, un rooft si awl bei iahra nayma. Sei macht un awlmechtichi graft is so grohs, es nett ayns funn eena fafayld gay zayld.

Eah hokt ovvich em ring funn di eaht, un di leit uf di eaht sinn vi hoi-shrekka. Eah shtrekt da himmel aus vi en curtain, vi en tent es leit drinn voona.

Shvetzet freindlich zu Jerusalem, un sawwet zu iahra es iahra haddah deensht ivvah is, un es iahra sinda fagevva sinn, un es see double di shtrohf grikt hott fumm HAH sei hand fa awl iahra sinda.

En shtimm hott ksawt, “Roof naus!” Un ich habb ksawt, “Vass soll ich naus roofa?” “Awl mensha sinn vi graws, un awl iahra shtandhaftichi-leevi is vi di blumma im feld. Es graws favelkt un di blumma falla ab, veil em HAH sei ohften druff blohst. Yau, leit sinn geviss vi graws.

Gukket moll, Gott da HAH kumd mitt macht, un sei oahm roold fa een. Gukket moll, sei lohn is mitt eem, un sei fadeensht gayt fannich eem.

Drayshtet, drayshtet mei leit, sawkt eiyah Gott.

Veah hott di vassahra gmessa mitt em dalla funn sei hand, adda di himla abgmeikt bei sei hand naus shtrekka? Veah hott da shtawb funn di eaht gmessa mitt en koahb, adda di berga gvohwa mitt en gvicht, un di hivla mitt en vohk? Veah hott em Geisht fumm HAH ksawt vass zu du, adda veah es en roht-gevvah, hott eem roht gevva? Veah hott eah kfrohkt fa eem eisicht gevva, un veah hott eem da recht vayk gland? Veah hott een gland sacha vissa, un veah hott eem gvissa fa sacha fashtay?