Popular Bible Verses from Romans 7

Share

Tank God! Di ansa dah Jesus Christ, wi Laad, weh gwain frii mi! So den, dis dah how Ah stan now: iina mi main, Ah gwain sorv God ahn fala ihn Laa, wail mi hyuuman nietyo mek Ah bii wan sliev tu sin.

Bikaaz Ah gat wan sinful nietyo, Ai aalwiez gwain sin iina mi sinful haat. So den, iivn duo Ah waahn du weh gud, Ah kyaahn du'ih.

Dis dah weh hapm: Ah no du di gud weh Ah waahn du, ahn di bad weh Ah no waahn du, dah dat Ah du!

Bot, if Ah du weh Ah no waahn du, dat miin seh dah no mii dah di wan weh du'ih. Dah di sin weh deh iina mi —mi sinful nietyo— weh du'ih!

So den, dis dah weh Ai fain iina mi laif: Wen Ah waahn du rait, Ah end'op deh du bad. Bot iina mi haat Ai hapy wid di Laa weh kom fahn God.

Ahn sins Ah du weh Ah no waahn du, mi kanshans shuo mi seh, Ai grii seh di Laa rait!