Popular Bible Verses from Deuteronomy 11

Share

Ituttuddu yuddan u-ungnga yud baballey yu, anin ni attu kad-an yu, yan yuka pan-iyyatui ey hedin kayu kamangngunnu.

Et humman hu, peka-ihha-ad yud nemnem yu huyyaddan inhel ku. Niya itudek yudda huyya et ilipet yud ngamay yu ey imbedbed yud tuktuk yu, ma-lat meipenemnem ni ingganah ni hi-gayu.

Et humman hu, hedin peka-u-unnuden yun emin hu tugun ni inhel kun hi-gayun nunya, ey hedin pinpinheden yu hi APU DIOS e Dios yud puhu yu niyad nemnem yu, ey hedin hi-gatu deyyawen yu, ey peelli tu udan di tsimpuh ni peneppulan yu et wada ennien yun pagey, mewedda grapes ni kapyaen yun meinnum niya mewedda lameh ni olibah ni kapyaen yun mansika

Mahapul ni pinheden yu hi APU DIOS e Dios yu, ey u-unnuden yun ingganah Tugun tu.

Yan nunya ey pampilli dakeyu hedin hipa pinhed yu, ya bendisyon winu ya idut. Mebendisyonan kayu hedin pillien yun u-unnuden ida Tugun APU DIOS e Dios yun inhel kun hi-gayun nunya. Nem meiddutan kayu hedin eleg yu u-unnuda huyyaddan Tugun ey hedin iwwalleng yu hi APU DIOS e Dios yu et ya edum ni dios ni eleg yu ni la amtan nunman hu deyyawen yu.

Ey itudek yudda huyyan Tugun idad pamedingan ni baballey yu ey yaddad eheb yu, ma-lat mebayag kayuddan u-ungnga yun mambebley di inhel APU DIOS ni iddawat tuddan aammed tayu. Em, mannenneng kayud man ingganah meendi hu kabunyan niya puyek.

Nem ang-ang yu et eleg kayu maheul ni mengiwwalleng nan APU DIOS et ya edum ni dios hu daydayawen yu.