Popular Bible Verses from Deuteronomy 10

Share

Et yan nunya, hipadda inhel APU DIOS e Dios yun pehding yu? Mahapul ni tekkutan yu hi APU DIOS e Dios yu, u-unnuden yun emin hu pinhed tu, daydayawen yu ey pinpinheden yud emin ni nemnem yu niya puhu yu. U-unnud yudda tugun APU DIOS ni intugun kun hi-gayun nunya tep panyaggudan yu.

Hi APU DIOS e Dios yu hu keta-ta-geyyan ni Dios, ey hi-gatu Ap-apun emin ni ap-apu, ey et-eteng hu kabaelan tu. Meandeng hu tuka pehding, endi tuka pengippahhigi ey beken ni henin tuu e tuka tetbalan mebeyyadan ma-lat ipahding tu lawah.

Et meippalpun nunya ey balbaliwi yu elaw yu, et isiked yun mangngenghay.

Tuka i-ehneng ida nepu-hig niyadda nebalu, ma-lat meidwat kelebbengan da. Tudda kapinheda hansinu-wan ni nekibebley ni hi-gatsu e tudda kaiddawsin kennen da niya balwasi da.

Hi-gatu Dios yu e lebbeng tun deyyawen yu, tep hi-gatu Dios yun nengipenahding idan kamengippetnga, niya kayyaggud ni peteg ni inenang-ang yu.

Takusi yu hi APU DIOS e Dios yu ey pansilbi kayun hi-gatu. Hi-gatu dayaw yu ey u-unnud yu niya isapatah yud ngadan tun ebuh.

Hi APU DIOS e Dios tayu ey kukuwah tu kabunyan ya puyek niya emin hu wadadman.

Et humman hu, peang-ang yu dama impeminhed yuddan hansinu-wan ni nekibebley ni hi-gayu, tep anin ni hi-gayu et kayu dama nekibebley lan nunman di Egypt.