Popular Bible Verses from Yos 10

Share

Lyuŵa lyaliji cimile nipo mwesi nganiwujenda mpaka mtundu wa Aisalaeli piŵapundile amagongo ŵawo. Ayi yilembedwe mu Buku ja Yasala. Lyuŵa lyaliji cimile pa cilikati kwinani nipo nganilikapila kwa lisiku lyosope.

Pa lisiku liŵapundisye AMBUJE acalume ŵa ku Isalaeli kwa Aamoli, Yoswa ŵaŵecete kwa AMBUJE. Pameso pa Aisalaeli jwalakwe ŵatite, “Lyuŵa, liŵe cimile penani pa Gibiyoni; Mwesi, ujime penani pa Ciŵata ca Aiyaloni.”

Nganilipagweje lisiku mpela lyele ni kala kose nambo soni kutandila pelepo, pangali piŵajanjile AMBUJE lipopelo lya mundu camti myoyo. AMBUJE ŵaliji mbali jimo ni Aisalaeli pakuputa ngondo!

AMBUJE* ŵatite kwa Yoswa, “Mkasimwajogopa jemanjajo. Une nimpundisye kalape mwakuti timwapunde. Pangali jumo jwa jemanjajo jutacipakombola kwima pasogolo penu.”

Myoyo Yoswa ŵatite kwa acakulungwa ŵa ngondo ŵakwe, “Akajogopa kapena kwasa mtima. Aŵe ŵamacili ni ŵakulimba mtima ligongo ayi ni yitaciyitenda AMBUJE pa amagongo ŵawo wosope.”