Popular Bible Verses from Yos 1

Share

Kumbucilani kuti nimlamwile m'mwejo kuti mŵe ŵamacili ni ŵakulimba mtima! Mkajogopa kapena kwasa mtima, pakuŵa une, AMBUJE Mlungu jwenu, ndili ni m'mwejo kulikose kutimjawuleje.”

Msimicisyeje kuti buku ja Malamusi jikuŵalanjidwa ndaŵi syosope syakupopela ŵandu. Mjiganicisyeje musi ni cilo, nipo mlolecesyeje kuti mkupikanila yosope yene yilembedwe mwelemo. Myoyo timcisicila ni kupunda kwakwe.

Mgambe kuŵa ŵamacili ni ŵakulimba mtima, mlolecesye kuti mpikanile yosope yene yigakumjiganya Malamusi giŵamlamwile Mose jwakutumicila jwangu. Mkasimgaleka pakugalawucila ku mkono wamlyo kapena wa mciji nipo timcipunda kulikose kutimcijawulaga.

Pangali jutacimpunda m'mwejo pimli cijumi. Une tinjiŵa ni m'mwejo mpela munaŵelele ni Mose. Tinjiŵa ni m'mwejo masiku gosope ngasinimleka.

Mŵe ŵamacili ni ŵakulimba mtima, pakuti timciŵa jwakwalongolela aŵa ŵanduŵa pitacijinjilaga mcilambo cinatesile cilanga kwa acinangolo ŵawo kuti tinacipelece kwa jemanjaji.

Malo galigose gatiluliŵate lusajo lwenu nagapelece kwa jemanja, mpela munamsalilile Mose mu cilanga.*

“Mose jwakutumicila jwangu awile, sambano m'mwejo mliŵicile cilepe, ni ŵandu wosope ŵa ku Isalaeli, ni mjomboce Lusulo lwa Yolodanilu, kuti mjinjile mcilambo cingucipeleka kwa jemanjaji.

Mose* jwakutumicila jwa AMBUJE* ŵawile, myoyo AMBUJE ŵaŵecete ni Yoswa mwanace jwa Nuni, juŵaliji mkamusi jwa Mose. AMBUJE ŵaŵecete kwa Yoswa kuti

Malile genu tigacityocela ku cipululu cakum'mwela mpaka ku matumbi ga Lebanoni kumpoto, kutyocela ku lusulo lwalukulungwa lwa Yufuleti kungopoko lyuŵa, kupitila ku cilambo ca Ahiti, mpaka ku Nyasa ja Mediteleniyani kungapilo lyuŵa.

Jwalijose jutaciwusya ya ulamusi wawo kapena kunyosya line mwa lilamusi lyawo taciwulajidwa. Aŵe ŵamacili ni ŵakulimba mtima!”

ajawule ku cigono nipo akasalile ŵandu kuti, “Alinganye cile yakulya, ligongo mu ndaŵi jakwanila masiku gatatu tajomboce Lusulo lwa Yolodani kuja kukwinjila cilambo citacipelece AMBUJE Mlungu jwenu kwa jemanja.”