Popular Bible Verses from 2Pit 3

Share

Meatin tei amundemi keke Ahi Asuv mul roun voumon amairisien onen Iesu vakistal vasuval koa kei vat kati, ka rovitei anatin. Kei mul san avong min kami keke mivahiles ran tisaen onami, veni en rovat etai meatin vavuol. Kei en vati mok keke meatin vasi keil avahiles ran tisaen one ka avaha vesesal veni.

Ka onak eli keil, emi navobongentei tounah tai! En meten Ahi Asuv, sua taosen tai (1000) suval etin avong tai. Anatin, keilu luvinvin en rendemien onen.

Ka tahos imok miheles mihemoul en more envatien onen Iesu Kristo ka mihesak visi keke ileilien onami eni, koa vi Asuv onami koa mutut kami, hemariso tamun. !Rehesan masmasien mini ven hetetamenien onen, kosa ka lisenges! Anatin.

Ka sakien koa Asuv Iesu hemai ris eni hesuval sakien ten amaien onen tarhena tai koa meatin rokileatei eni. Ka en avong enek, out nesa hevuol hetal mari verien; mari ahang tai hean lin meteiai, avati ka hitu keil; ka out netan hetal min tounah vasi koa amul ien ivupuol.

?Sakini, veni Ahi hou rasilin tounah vasi en sise enek, kami mihehi vati meatin sa? Moulien onami hehi votut ka ualien onami housil asa koa Ahi en vati navong mirosin avong koa Ahi vat kati keke Iesu hemai ris eni ka mihoumoni hemai hekalah. En avong enek, ahang hean lin teilang, ka saloh teni hesakin meteiai, avati ka hitu keil ikur lei ka ivupuol.