Popular Bible Verses from 1Sion 1

Share

Ka munak rovit lat tisaen orer min Ahi, kei koa lisenges mul mum vasin tounah koa viteni ka mul mumon tounah koa mal, kei herleletei mun hetisa en tisaen keil orer ka hekas motein ir rehetolas ran sakkalkalien keil orer.

Ka munak romual en meneai suval Ahi mul en meneai ka sakien orer mutolas, ir Kristin keil, rokilea rovapil vituai vatal min ir emun. Ka navong romual en meneai enek, ran Iesu, Natin Ahi, mul kas motein ir ran tisaen vasi keil keke reheto rehetolas.

Ka munak roviteni rovit tisaen orer tovuol, romul roluvos ir enges, ka anatinien tovuol en ir.

Selusien koa meraengoni ka ven Natin Ahi mevitehiteni mun min kami. Kei viteni mukok: Ahi mutolas, tisaen tovuol ien. Kei suval meneai koa keih koa mankoli tovuol ien. Munak roviteni rovit rokapil vituai ral mini ka romual veah en mankoli ten tisaen, romul roluvos en selusien orer ka ualien orer romusiltei anatinien.

Ahi mul vit ir vasi romumon tisaen. Ka munak rovit rormumontei etai tisaen, romul roviteni keke Ahi mul luvos. Munak hemukonek, selusien onen romultei en ir.