Popular Bible Verses from Okushuuruurirwa 20

Share

Kandi omuntu weena, ou eiziina rye ryabaire ritahandiikirwe omu kitabo ky'amagara, yaanagwa omu nyanja y'omuriro.

Naareeba abafu, abakuru n'abato, beemereire omu maisho g'ekitebe ky'obukama, ebitabo byashuuruurwa. N'ekitabo ekindi kyashuuruurwa, nikyo eky'amagara. Abafu baacwerwa emanja z'ebyahandiikirwe omu bitabo nk'ebi baakozire oku biri.

Enyanja yaagarura abafu abaabaire bagirimu, na Rufu n'Okuzimu byagarura abafu abaabaire bariyo; boona baacwerwa emanja ez'ebi baakozire. Rufu n'Okuzimu byanagwa omu nyanja y'omuriro. Egyo nyanja y'omuriro nikwo kufa okwa kabiri.

Bwanyima naareeba ekitebe ky'obukama kihango ekirikwera n'Ogwo owaabaire akishutamiho; ensi n'eiguru byahunga nibiruga omu maisho ge; byabura obuhamizo.

Egyo myaka rukumi ku erihwa, Sitaane aryakomororwa arugye omu kihome, aryashohora aze kubeihabeiha amahanga agari aha mbaju ina ez'ensi, Googi na Magoogi, okubateerana hamwe kurwana. Obwingi bwabo buryaba nk'omusheenyi ogw'aha rubaju rw'enyanja.