Popular Bible Verses from Okubara 14

Share

Kwonka murekye kugomera MUKAMA, kandi mutatiina abantu b'omu nsi egyo, ahakuba n'eby'okurya ahariitwe; ekibaire kibakingiire kibaihirweho, kandi MUKAMA ari hamwe naitwe; mutabatiina.

MUKAMA tarahuka kuguubwa kubi, n'ow'embabazi nyingi, asaasira eby'okutahikiirira n'eby'okushiisha, tasingisiriza abaine orubanja na kakye; atura abaana okutahikiirira kwa baishebo, okuhitsya aha baijukuru n'abaijukuruza.

MUKAMA ku araabe naatusiima, aryagituhitsyamu, agituhe; n'ensi y'amate n'obwoki.

kureka omwiru wangye Kalebu, ahabw'okuba aine omutima ogundi, ogutari nk'ogwabo, akankuratirira kimwe; ogwo ndyamuhitsya omu nsi ei yaagiiremu; n'oruzaaro rwe ruryagihungura.

Bagambire oti: MUKAMA naagira ati: Buzimazima niinyerahira nti, nk'oku mpuriire nimugamba, nikwo ndibagira

MUKAMA yaagira Musa ati: Abantu aba baryahitsya hi okungaya? Baryahitsya hi okutanyikiriza, haza kunu naakozire obumanyiso obwo bwona omuribo?

Abaisraeli boona baayetomboitera Musa na Arooni, eihanga ryona ryagira riti: Kuri nangwa twagwire omu nsi ya Misri! Nari tukaahenwa ki, tugwa omuri eri ihamba!

Bwanyima Yoshua mwene Nuuni na Kalebu mwene Yefune, bamwe ahari abo abaatatsire ensi, baataagura ebijwaro byabo. Baagambira eihanga ry'Abaisraeli ryona bati: Ensi ei twarabiremu kutata ni nungi munonga.

kwonka niinyerahira nti, nk'oku ensi eriijura ekitiinisa kya MUKAMA, aha bantu abo boona, abaareebire ekitiinisa kyangye n'obumanyiso obu naakoreire Misri n'omu ihamba, bakangyeza emirundi egi yoona ikumi, batarikworobera iraka ryangye, tihariho n'omwe aharibo orireeba ensi ei naarahiire kuha baishenkurubo; kandi tihariho n'omwe ahari abo abangayire origireeba