Popular Bible Verses from Okubara 13

Share

Kalebu yaacureeza abantu omu maisho ga Musa naagira ati: Twinamukye ahonaaho, tugikubuure; ahakuba buzima nitubaasa kugisingura.

Kandi tukareebayo abantu b'ebikaaka, beene Anaki, abaakomookire aha Baanefili; tukeereeba turi nk'eseenene, kandi kwo nikwo twabaire turi omu maisho gaabo.

Kwonka abantu abaabaire bagyenzire nawe baagira bati: Titurikubaasa kwinamukayo kurwana na bari bantu, ahabw'okuba nibatukiza amaani.

Baagambira Abaisraeli enkuru mbi z'ensi ei baagiire kutata, nibagira bati: Ensi ei twarabiremu kutata, n'ensi erikurya abagitwiremu; n'abantu boona abu twareebireyo ni baraingwa munonga.

Baagira Musa bati: Tukahika omu nsi ei waatutumiremu, n'ekya buzima n'ensi y'amate n'obwoki; kandi n'ebijuma byayo mbibi.

Kwonka abantu abagitwiremu n'ab'amaani, n'endembo zaabo zizitiize engo z'amabaare, kandi ni mpango munonga; tukareebayo na beene Anaki.

Abaamaleki batwire omu nsi ya Negebu, Abahiiti n'Abayebusi n'Abaamori batwire omu nsi y'ebibungo; n'Abanyakanaani batwire aha nyanja n'omu mpita za Yorudani.

Ku baizire, baashanga Musa na Arooni n'eihanga ry'Abaisraeli ryona Kadeshi omu ihamba rya Parani, baabagambira hamwe n'eihanga ryona ebi baareebire, kandi baabooreka n'ebijuma ebi baihire omu nsi egyo.