Popular Bible Verses from Yakobo 3

Share

Kwonka obwengye oburikuruga omu iguru, okubanza buba obushemeire, kandi obw'obusingye, obw'okutwaza gye, obwikiriza okuteisibwa, obwijwire embabazi n'ebyana ebirungi, obutarimu kugambira habiri n'obu bwakuba obugobya.

Omuriimwe n'oha oine obwengye, orikwetegyereza? Ahabw'emitwarize ye mirungi ayorekye emirimo ye n'obwengye oburimi obucureezi.

Abareeta obusingye babiba embibo omu busingye ezireeta ebyana by'okuhikiirira.

Ahakuba ahu eihari n'okweyendeza biri, niho haba okurabanamu n'okukora kubi kwona.

Nirwo tuhimbisisa Mukama Isheboona, kandi nirwo tukyeenesa abantu, abahangirwe omu kishushani kya Ruhanga. Omu kanwa kamwe harugamu okuhimbisa n'okukyeena. B'eishe-emwe, ebyo tibishemerire kuba bityo.

N'orurimi ruba omuriro. Orurimi n'ensi mbi etuura omu ngingo zaitu, rushiisha omubiri gwona, rwotsya obuzaarwa bw'obuntu bwaitu bwaona, kandi narwo rwokibwa Gehana.

kwonka tihariho muntu orikubaasa kutegyeka orurimi; n'obubi obutatuuza, rwijwire obushegu oburikwita.

B'eishe-emwe, mutariikiriza baingi omuriimwe kuhinduka abeegyesa; ahakuba nimumanya ngu itwe abeegyesa turyacwerwa orubanja orurikukira ez'abandi.