Popular Bible Verses from Yakobo 1

Share

Beishe-emwe, ku muraagume mwahikwaho okugyezibwa kw'emiringo etari emwe, mukutwara nk'okushemererwa buzima; ahakuba nimumanya ngu okugyezibwa omu kwikiriza kwanyu kurugamu okugumisiriza.

Kwonka omuriimwe ku haraabe harimu obuzirwe obwengye, abushabe Ruhanga, oha boona n'omutima ogutarikwima, n'obu kwakuba okweshaamya, kandi aryabuheebwa.

Eki nimukimanya, B'eishe-emwe abarikukundwa; omuntu weena arahukye kuhurira, kwonka atarahukiiriza kugamba, n'okugira ekiniga

Kandi murekye okugumisiriza kuhitsye omurimo gwakwo, naimwe mubone kuba abahikire omuri byona, mutaine ki mubuzirweho.

Kandi mube abarikworobera Ekigambo, beitu ti kukihurira kwonka, mukeebeiha.

Omuntu orikugumisiriza omu kugyezibwa aine omugisha; ahakuba ku arisingura, aryaheebwa ekirunga ky'amagara, eki Ruhanga yaaraganiise abarikumukunda.

engabirano yoona enungi n'ekiconco kyona ekihikire biruga omu iguru, nibishuuma okuruga ahari Isheboona, Omuhangi w'ebirikwaka, otahindahinduka na kakye, n'obu kwakuba okugira ekicuucu ekireetwa okuhinduka.

Ahakuba omuntu weena ku aba omuhurizi w'Ekigambo, ataakyorobera, ashusha nk'omuntu orikwereebera omu ndeeberwamu oku arikushusha ahamaisho; akiheza kwereeba, yaagyenda, ahonaaho akeebwa oku arikushusha.

Ediini eshemeire, etaine kamogo omu maisho ga Ruhanga Isheboona niyo egi: okutaayaayira efuuzi n'abafaakazi omu busaasi bwabo, n'okwerinda okugira amabara g'ensi.

Omuntu weena ku araayohibwe, arekye kugira ati: Naayohibwa Ruhanga; ahakuba Ruhanga tabaasa kwohibwa kibi, kandi nawe tayosya muntu; kwonka omuntu weena ayohibwa, yaabeihwabeihwa okwetenga kwe, kwamwosyosya.

Ow'eishe-emwe omworo ayehimbise. Ahabw'okutunguurwa kwe