Popular Bible Verses from Isaaya 54

Share

Tihariho ky'okurwanisa, eki baheesire kukurwanisa, ekirikubaasa, Kandi orurimi rwona oruriimuka kukutonganisa oryarusinga. Obwo nibwo buhunguzi bw'abaheereza ba MUKAMA, Kandi okwo nikwo kuhikiirira kwabo okurikuruga ahariinye, Nikwo MUKAMA arikugamba.

Ahakuba enshozi ziryarugaho, N'ebibungo biihweho, Kwonka embabazi zangye, ezitaruga ha rugyero, tizirikurugaho, N'endagaano yangye ey'obusingye teriihwaho, Nikwo MUKAMA okwiniire esaasi arikugamba.

Otatiina, ahabw'okuba torihemuka; Otashoberwa, ahabw'okuba toriitwa nshoni, Kureka oryayebwa enshoni z'omu butsigazi bwawe, Kandi ekijumo ky'obufaakazi bwawe torigaruka kukiijuka.

Ahakuba Omuhangi waawe niwe baro, MUKAMA ow'amahe niryo eiziina rye; Kandi Orikwera wa Israeli niwe Mucunguzi waawe, Naayetwa Ruhanga w'ensi yoona.

Hangusya omwanya gw'eihema ryawe, Oreegye emikingo y'omu maju gaawe, Otagira eki waima, yongyera aha mirunga yaawe, Ohamye enkondo zaawe

Batabani baawe boona baryayegyesibwa MUKAMA, Kandi okugogyera kwabo kuryaba kwingi

Ahabw'okukugirira ekiniga kingi Nkamara akaanya kakye nkwimire amaisho, Kwonka ndyakugirira esaasi, nkwiniire rukundo etahwaho, Nikwo MUKAMA, Omucunguzi waawe, arikugamba.

Ahabw'okuba mbaire nkutsigireho akaanya kakye; Kwonka ndyakutaaruura, nkwiniire embabazi nyingi.

Ahabw'okuba ebyo nibishusira eby'omu biro bya Noa; Nk'oku naarahiire ku amaizi g'omu biro bye Gatarigaruka kushandaara mu nsi, Nikwo ndahiire ku ntarigaruka kukugirira kiniga N'obu kwakuba okukukabukira.

Amatungu gaawe ndyagombekyesa kalukedoni, Kandi amarembo gaawe ngombekyese kabunkulo, N'orugo rwawe rwona ndwombekyese amabaare g'obuguzi bwingi.