Popular Bible Verses from Isaaya 35

Share

N'abacungwirwe MUKAMA baryagaruka, Baije Saayuuni nibeeshongora, Okushemererwa okutahwaho kuri aha maisho gaabo; Baryagira okushemererwa n'okunanuka, Kandi obusaasi n'okutsinda biryakwata akakiro.

Mugumye emikono etaine maani, Muhamye amaju agatahamire, Mugambire ab'omutima gw'obwoba muti: Mugume, murekye kutiina! Reeba Ruhanga waanyu naija kuhoora enzigu, Nikwo kuzimuura kwe; Aryaija, abajune.

Kandi haryabaho omuhanda rugyendwa, Gwetwe Omuhanda ogurikwera. Abatashemeire tibarigurabamu, Kureka guryaba ogw'abagyenzi; N'obu bariba bari abashema, Tibariguhabiramu.

Obwo amaisho g'empumi garyahumuurwa, N'amatu g'ebifa-matu garyaigurwa

Ekirema kiryaguruka nk'empara, N'orurimi rw'ekiteta rweshongore ahabw'okushemererwa; Ahabw'okuba amaizi garyafumuka omu ihamba N'emigyera omu ihamba ry'omusheenyi