Popular Bible Verses from Isaaya 30

Share

Kandi ku muritoora aha mukono gwa buryo nari aha gwa bumosho, amatu gaanyu garyaguma nigahurira ekigambo nikibareetwa enyima nikigira kiti: Ogu nigwo muhanda, mube nigwo mwahamya.

Nikyo MUKAMA aritegyerereza, ngu abagirire embabazi, Kandi nikyo ariheerwa ekitiinisa, ngu abagirire esaasi; Ahabw'okuba MUKAMA ni Ruhanga ocwa emanja z'oburyo, Abarikumutegyereza boona baine omugisha.

Ahakuba oku nikwo Mukama RUHANGA Orikwera wa Israeli yaagizire ati: Omu kugaruka n'omu kuhuumura nimwo murijunirwa, Omu kutuuza n'omu kwesiga nimwo amaani gaanyu gariruga.

Kandi Mukama n'obu arikuha eby'okurya by'obusaasi n'amaizi g'okubonabonesibwa, Orikukwegyesa tarigaruka kweshereka, kureka amaisho gaawe garyaguma gamureebe.

Iwe ihanga rya Saayuuni 'we, eritwire Yerusaalemu, torigaruka kurira. Ku arihurira eiraka ry'okutaka kwawe, taribura kukugirira mbabazi. Ku arikuhurira aryakugarukamu.

MUKAMA naagira ati: Abaana abagomi baryareeba enaku, Abeehanuuza aha bandi, bataanyehanuuzeho, Abaragaana endagaano, kwonka etari y'Omwoyo gwangye, Ngu babone kwongyera ekibi aha kindi