Popular Bible Verses from Abaheburaayo 4

Share

Ahakuba ekigambo kya Ruhanga kiine amagara n'amaani, kiine obwogi bwingi okukira rurara yoona ey'amoogi abiri, nikicumita kihika ahu kitaanisiza amagara n'omwoyo, ngingo n'omushokooro, kandi kirahuka kucaaka ebi omuntu arikuteekateeka n'ebi amaririire omu mutima gwe kukora.

N'ahabw'ekyo ka twirire haihi n'ekitebe ky'embabazi tutaine bwoba, tubone kuheebwa okusaasirwa, n'okugirirwa embabazi z'okutuhwera ahu turaazeetengyere hoona.

ahakuba titwine munyamurwa omukuru otarikubaasa kusaasira hamwe naitwe omu bweremwa bwaitu, kureka twine owaayohiibwe omu miringo yoona nkaitwe, kwonka We atashiishe.

Kandi omu maisho ge tihariho kihangirwe ekisherekirwe; kureka ebintu byona bishuurwirwe nibireebwa butunu omu maisho g'Ogwo oshoboorora ebyaitu.

Mbwenu nk'oku twine Omunyamurwa omukuru rugambwa, owaarabire omu myanya y'omu iguru, Yesu Omwana wa Ruhanga, ka tuhamize kimwe okwikiriza kwaitu

N'ahabw'ekyo ka twezirikye kutaaha omu buruhuukiro obwo, hatagira omuntu weena owaagwisibwa okutahurira okw'omuringo nk'ogwo.