Popular Bible Verses from Okuruga 23

Share

Muryaheereza MUKAMA Ruhanga waanyu, nawe aryaha eby'okurya byawe n'amaizi gaawe omugisha; kandi ndyaiha endwara omuriimwe. Tihaine orirugwamu enda, nari oriba engumba omu nsi yaawe; kandi ndyahitsya omubaro gw'ebiro byawe.

Reeba, nintuma maraika okukwebembera, n'okukurinda omu muhanda, akakuhitsya omu mwanya ogu naakuteekateekyeire.

Kwonka ku orihurira eiraka rye, otaireho omutima, waakora byona ebi ndikugamba, obwo ndyaba omuzigu w'abazigu baawe, n'omubisha w'ababisha baawe.

Otarikurata abaingi kukora ebibi; ku oryetwa kuba mushinja, otarigwera orubaju rw'abaingi okajurira eby'okusingisiriza orubanja; kandi otarigwera orubaju rw'omuntu, ngu ahabw'okuba n'omworo.

Otaritwara enkuru z'ebishuba; otarikwatanisa n'omubi okuba mushinja w'eitima.