Popular Bible Verses from Omubuurizi 5

Share

Otarirahukwa aha rurimi, kandi otariikiriza omutima gwawe kurahukiriza kurahira omu maisho ga Ruhanga; ahabw'okuba Ruhanga ari omu iguru, naiwe ori aha nsi; n'ahabw'ekyo ebigambo byawe bibe bikye.

N'omuntu weena ou Ruhanga ahaire eitungo n'ebintu n'obushoboorozi bw'okubishemerererwa omu kufa kubi kwe, ekyo nakyo n'ekiconco kya Ruhanga.

Okunda efeeza tahaaga feeza; kandi n'okunda obutungi tahaaga magoba. Ekyo nakyo ni busha.

Ku oriba nooza omu nju ya Ruhanga, ogume orinde ekigyere kyawe; okwirira haihi kuhurira nikukira okutamba ebitambo by'abashema, ahabw'okuba bo tibamanya ku barikukora kubi.

Ku orirahira nooraganisa ahari Ruhanga, otarikyerererwa kukihikiirirza; ahabw'okuba tashemerererwa bashema. Ogume ohikiirize eki oraganiise.

Okuraganisa otahikiirize nikikirwa okutaraganisa.

Oturo tw'omukozi tumugwa gye, n'obu arya bikye nari bingi; kwonka omwiguto gw'omutungi gumubuza oturo.

Nk'oku yaarugire omu nda ya nyina ataine ki ajwaire, nikwo arigyenda ataine ki aihire omu kufa kubi kwe, ekiyaakutwara omu ngaro ze.