Popular Bible Verses from Omubuurizi 4

Share

Ababiri nibakira omwe; ahabw'okuba baheebwa ebihembo birungi ahabw'okufa kubi kwabo. Ahakuba ku bagwa, omwe aimutsya mugyenzi we; kwonka ogwa ari omwe wenka, akabura kiimutsya, areeba enaku.

Omuntu n'obu yaakusingura omwe, ababiri takaababaasa; kandi omurunga gw'enyabushatu tigucweka juba.

Ekindi, ababiri ku babyama hamwe, batagatirwa; mbwenu omwe naabaasa ata kutagatirwa ari wenka?

Oruhi rumwe rwijwire obusingye niruhita empi ibiri eziijwire emirabanamu n'okwitanira omuyaga.

Bwanyima naareeba emirabanamu yoona y'eby'emirimo y'obuhangu byona, ku nibyo bireetera omuntu okugirirwa mutaahi we eihari. Kandi ekyo nakyo ni busha n'okwitanira omuyaga.

Omutsigazi omworo ow'obwengye naakira omugabe okuzire omushema, otakyenda kuhaburwa