Popular Bible Verses from 2 Abagabe 2

Share

Ku baaherize kwambuka, Eliya yaagira Elisa ati: Shaba eki ndaakukorere, ntakakwihirweho. Elisa yaagira ati: Ninkweshengyereza, ndaga emigabo ebiri y'omwoyo gwawe.

Ku baabaire nibakigyenda nibagaaniira, ahonaaho haija ekigaari ky'omuriro n'embaraasi z'omuriro, byabataanisa. Eliya yaatwarwa omuyaga gw'akasooroora, yaatemba omu iguru.

Onu yaagira ati: Waashaba ekigumire; kwonka ku orandeebe ninkwihwaho, noija kukitunga; ku oraabe otandeebire, tikirikwija kuba kityo.

Yaakwata ogwo munagiro gwa Eliya ogwamuragara, yaateera amaizi naagira ati: MUKAMA, Ruhanga wa Eliya, arahi? Ku yaateire amaizi, gaayebaganisamu habiri, yaayambuka.

Elisa ku yaakireebire, yaagamba munonga, naagira ati: Taata! Taata! Ebigaari bya Israeli n'embaraasi zaayo! Tiyaagaruka kumureeba. Ahonaaho yaakwata ebijwaro bye, yaabitaaguramu ebicweka bibiri.

Bwanyima Eliya yaajuura omunagiro gwe, yaagukubamu, yaateera amaizi; ahonaaho amaizi gaayecwamu habiri oku n'oku, bombi baayambukira ahoomire.

MUKAMA ku yaabaire ari haihi kutwara Eliya omu iguru n'omuyaga gw'akasooroora, Eliya na Elisa bakaba bari omu muhanda nibaruga Gilugaali.