Popular Bible Verses from 1 Samueli 17

Share

Daudi yaagira Omufilistia ati: Wampururira na rurara n'eicumu n'akacumu; kwonka nyowe naija omu iziina rya MUKAMA ow'amahe, Ruhanga w'engabo za Israeli, ezi ohigire.

kandi n'omutwe gwona oguri aha nigumanya ku MUKAMA atajunisa rurara na icumu; ahabw'okuba orugamba oru n'orwa MUKAMA, kandi naija kubahayo omu mikono yaitu.

Daudi yaagaruka yaagira ati: MUKAMA owaanyihire omu byara by'entare n'omu byara by'edubu, naija kunjuna n'omu mikono y'ogwo Mufilistia. Saulo yaagira Daudi ati: Irooko, MUKAMA agume naiwe.

Eri izooba MUKAMA naakuhayo omu mikono yangye, ninkuteera, noogwa, ninkucwaho omutwe; kandi eri izooba niinyija kugaburira amahungu g'omu mwanya n'enyamaishwa z'omu ihamba emitumbi y'engabo z'Abafilistia, haza ensi yoona neemanya ku habaho Ruhanga omuri Israeli

Yaakwata enkoni ye omu ngaro, yaayetooranira amabaare ataano omu kagyera, yaagata omu kashaho k'omunda ak'omu furebe y'omuriisa ei yaabaire aine; kandi akaba aine enjungu ye omu ngaro; yairira haihi Omufilistia.

Daudi yaagira Saulo ati: Hatagira owaahahaaza omutima ahabw'ogwo Mufilistia; omwiru waawe yaaza kurwana nawe.