Popular Bible Verses from 1 Eby'omu Busingye 16

Share

Musherure MUKAMA n'amaani ge, Mwetengye okuguma omu maisho ge obutoosha.

Musiime MUKAMA, ahabw'okuba ni murungi, Kandi embabazi ze n'ez'ebiro n'ebiro!

Musiime MUKAMA, murangaane eiziina rye, Mumanyise ebi yaakozire omu mahanga!

Mwesiime ahabw'eiziina rye eririkwera; Emitima y'abarikusherura MUKAMA eshemererwe!

Mwijukye emirimo ye ey'okutangaaza N'ebitakareebwaga ebi yaakozire, n'emanja ezi yaacwire

Mumweshongorere, mweshongore eby'okumuhimbisa, Mugambire abantu eby'emirimo ye yoona ey'okutangaaza!

Ahakuba MUKAMA ni mukuru, ashamereire kuhimbisibwa munonga, Kandi n'okutiinwa okukira baaruhanga boona.

Mugambe ku MUKAMA aine ekitiinisa ekishemereire eiziina rye, Mureete empongano, mwije omu maisho ge; Muramye MUKAMA mujwaire ebirikwera

Ekitiinisa n'obukuru bimwebembeire; Amaani n'okushemererwa biri ahi atuura.

Imwe abari omu nsi mwena, mweshongorere MUKAMA, Mworekye okujuna kwe buri kasheeshe.

Mumanyise ekitiinisa kye omu mahanga, Emirimo ye ey'okutangaaza omu mahanga goona.

Naagira ati: Mutakora aha bu naashukireho amajuta, N'obu kwakuba okukora kubi baanabi bangye.

Ahakuba baaruhanga boona ab'abantu baba ebishushani, Kwonka Ruhanga niwe yaahangire eiguru.

Aijuka endagaano ye ebiro byona, Ekigambo eki yaaragiire ab'obusingye rukumi

Eiguru rishemererwe, n'ensi eyesiime; Bagambire omu mahanga nibagira bati: MUKAMA ari aha ngoma!

MUKAMA, Ruhanga wa Israeli, ahimbisibwe Okwiha ira ryona okuhitsya ebiro byona. Bwanyima abantu boona baagira bati: Amiina; baahimbisa MUKAMA.

Imwe enganda z'amahanga, mugambe, Mugambe ku MUKAMA aine ekitiinisa n'amaani