Popular Bible Verses from Rom 3

Share

Wara le fanu tikii ri ka tel ta sinang laulau, ma ri pongpong isi memeh ke God. Isau le na famais kia ae i ta foes ta u sau, ka foteng ri le ri tortores na mata, wara na foim ae Karisito Iesu i tel ta u una fiil fasengsegeng ri.

Sal ae, i aragii: Fanu tikii ae ri unune lo Iesu Karisito, God in foteng ri le ri tortores na mata. Biil tikas i neng keskes, biil.

God ka ta ufu ta ke Kalalik, isi in met arae tunmapek una farop ngaliaf kia. I met ma dawu ka pa ufu sinang laulau ken fanu tikii ae ri unune lo. God i tel u arae, una finngas u le i tortores, aunbiing i fofo ini fanu ma i par ufu ta foron sinang laulau kiri tinpakanini, ma biil i ta fangungut usuf ri. Ma igii, God ka tel u arae una finngas u le i tortores, isi ik malal le i tel sinang ae i tortores aunbiing i foteng fanu le ri tortores na mata, na unune kiri lo Iesu.

Wara le biil tikas in tapiek tortores na mata God na sinangun mi na foron nagogon, biil. Foron nagogon ri finngas kerer la sau ini foron sinang laulau kirer.

Arae ri siit ta u na Buk na Gogoh le, “Biil tikas i tortores, biil tom in tikii. Biil tikas i malal e wolwol kia, ke biil tikas i im isi God. Ri tikii ri ka tamikis koseng ta u, ma ri tikii ri ka tapiek arae tier foes. Biil tikas i tel sinang rokap, biil tom in tikii.”

Wara le igii, kere ka usum mang le, God i foteng fanu le ri tortores na mata, na unune sau, ma biil na sinangun mi na nagogon.

Biil tom! God i tekentu, taftawa le fanu tikii ri foron tom lemlemet. Arae ri siit ta u na Buk na Gogoh aragii, “I malal le o tortores aunbiing o orek, ma aunbiing ri tiu wo, biil rin tafe ti tier i ger na orek kiam.”