Popular Bible Verses from Maruku 9

Share

Yesu ahawiirelaga: <<Nyoovo muneerela ddi akala nabwiya munowaanda? Dhaatedhene dhinowaandeya wa ale enaroromela>>.

Vano mowaaguva baabi a muzombwe ahikuwaga, eeraga: <<Miyo ginororomela! Gikamihedheni wi gigonjihe ohuroromela waaga!>>

Nuwindo, Yesu agafiyile vaade, anamasuuza aaye yahimukohaga ombale, wiira: <<Mwaha bwaddi hiyo yahaandeliihu wiigara muneba wootakala ole?>> Vano Yesu ahawaakulaga, wiira: <<Mukalelo wa muneba ole oneegariwa ni malobelo baahi>>.

Mwiinyu bwapama, mbwenye wakumuwa, onawelele avi odhiva? Egumi yeenyu ekalegehi eheliwe mwiinyu, vano mukalegena murenddele mmohi ni mukwaaye>>.

<<Ole onamwaakela mwaana mu ndina naaga, onagaakela miyeene. Ole onagaakela miyo, kanagaakela miyeeneve, mbwenye ole ogirumile>>.

Ebaribareene ginowuwaaddelani wi olene onoovahani ekopo ya mahinje mu ndina naaga, mwaha wa nyoovo okala a Kirixtu, ola kadhawene ayeleela yoothuviwa yaaye.

<<Onaamuthegihe mmohi wa ana-ahima ala yinna nroromelo wa miyo, yaali yapama wi muthu ola amageleliwe mukohi nibwe nuulubale na nsilo, avokedhiwe munyaza.

Akala niinto naawo nimohi ninowuuthegiha, ovenyihemo, soofuneyesesa ovolowa muuMweneni wa Mulugu ni niinto nimohi baahi, ohiya okalana meento mameenddeene, ovokedhiwena omunddoni woohuthima.