Popular Bible Verses from Maruku 14

Share

Oliye ahilobaga, wiira: <<Babani, Babani oodhivela! Wa nyo dhego dhaatedhene dhinowaandeya. Miyo ginowuulobani mugirabelihe nakoma ola a goyi. Vano dhihiireye wona munafuneliimi, mbwenye dhiireye wona munafuneliinyu>>.

Mwiyiing'anele, mulobelege wi muhumorele moweehiwani. Epaddi emohi muneba oli wooliba, mbwenye mwiili ohulodhowa>>.

Ebaribareene ginowuwaaddelani wi oli waatewene mwiilaboni onaalaleyiwege Muselu Wapama ola, athu eneerege omuwoga mwihiyana ola, emuubuwelelaga mwaha wa dhedho dhigiireliiye>>.

Vano ahawaaddelaga ale araaru, wiira: <<Murima waaga onokubanya goyi yookwana. Mukale veva mwiyiing'anelege>>.

Aliwa ejagave ndale, Yesu ahithukulaga mukaathe, otamaalela wa Mulugu, ogwaddanya, wawinka anamasuuza aaye, wiira: <<Akelani, muje, ola bu mwiili waaga>>.

Vooharela ahimuthukulaga nakoma, omutamaalela wa Mulugu, waavaha anamasuuza aatene, omung'wa. Vevale Yesu ahiiraga: <<Ola bu mwazi waaga, mwazi wa nipangano no waandana [nixa], onakuthuleliwa wa athu ajinji.

Yesu ahawaaddelaga aatene, wiira: <<Nyo muneere ogithawa, vowi Maleba Ootaleleya yiire: <Ginoodha gimporose makambuzi, vano mabilaya ebalaleye>.

Mvenye! Nidhowege! Mmoone onafuna ogipeleka, ole onowaaddamela>>.

Vevale Yesu, ahiiraga: <<Ebaribareene ginowuwaaddela wi mahiyu a peeno mutubi ahinandde <Kokoliko> dila biili, oneere ogikoodda dila thaaru wiiraga kuginonile>>.