Popular Bible Verses from Matewuzhi 7

Share

<<Lobani muneere ovahiwa; sayelani muneere ofwanya; gogoddani muneere ofuguleliwa.

Vowi aatene enaloba enowaakela, ole onasayela onofwanya, ole onagogodda onofuguleliwa.

<<Muthu oli aatene oneewa madhu aaga avirihagamo, onaligana ni muthu oowaraala amagile nyuba yaaye, atibile miliddidha addiihiha, asiddela.

Dhaatedhene dhinafuniinyu wi athu yuwiirelegeni, nyo teto mwawiirelege aliwa, vowi ela sinatapulela Malamulo ni dhosuuziha dha anamavuhulela.

Mbwenye musiwo woopurana ni dila yooyeva, dhinadhowiha wiigumini yoohumala, athu vang'ono binafwanya dila eyo>>.

<<Ovolowele musiwo woopurana! Mwaha wi musiwo woorambalala ni dila yookweya dhinadhowiha omarimeelelo, ajinji enohara dila eyene.

Nyo mugalive abure muhunona waavaha dhego dhapama aniinyu, ki Babiinyu oli odhulu kanaavahe mootthabwa dhego dhapama wa ale enamuloba?

<<Kammukonege muthu wi teto Mulugu onaadhe ookoneni. Vowi ni mukalelo onaakoniinyu athu, Mulugu onoodha ookoneni ni mpimo oyene munapimiinyuna teto oliye oneere wuupimanaani oyene.

Mbwenye muthu oli aatene oneewa madhu aaga ala, ahaavirihagamo, onaligana ni muthu oolodhowa, amagile nyuba yaaye ahisiddelile kaatibele mooddiihiha.

<<Mwaha bwaddi onoona ekata eli mwiintoni mwa ddibilo, ohoonaga emiri eli mwiintoni mwaawo? Naari onaawoge addi ni ddibilo wiiraga: <Ogihiye givenyihemo ekata mwiintoni mwaawo>, oganna emiri mwiintoni mwaawo?

<<Muwaraale ni anamavuhulela ooratha! Mwaha wi enoodha wa nyo ni onyengetha wona mabila oopwaasa, mbwenye mmurimani mweewa egali miiji dhooguwa. Athu alena nyo munoodha mwaadidele ni dhoovaha dheewa. Mwaha wi kadhidha dhiireya nroga nivahe uuva. Naari mmurulani mvahe mayeebe.

Mowindo, muthanko waatene wapama onavaha dhapama, mbwenye muthanko wabure onavaha dhabure.

Teto kadhidha dhiireya wi muthanko wapama ovahe dhabure, naari muthanko wabure ovahe dhapama.

Muthanko waatene ohunavaha dhapama onogwaddiwa ovokedhiwe vamunddoni.