Popular Bible Verses from Matewuzhi 24

Share

Vano mwaha woweenjedhedheya dhootakala, odhivela onoodha oyeve vaari va athu ajinji. Mbwenye oyene onaavilele ofiyedha omakuthulo, onoodha avulumusiwe.

Muselu Wapama wa Omwene ola, onoodha olaleyiwe elabo yaatene ya vati okale onamoona wa malogo maatene. Mowindo finaadhe makuthulo a dhaatedhene.

Teto muhukuuwe mweewaga koddo naari dhooruma dha koddo, mwaha wi soofuneya wi dhego ndo dhiireyege, mbwenye makuthulo kinafiye.

Vowi nlogo nneerege owana koddo ni nlogo nimohi, omwene oneerege owana ni omwene omohi, enoodha ekalewo dala ni othikeya wa elabo mburo dhoohiyana-hiyana. Dhoopadduwa ndo dhinaakale dhooligana ni dhoovoreya dhowambeela dha mwihiyana mudhidhi wa obala.

Elabo ya vati ni odhulu dhinoodha dhimale, mbwenye madhu aaga kidha emala.

Vowi enoodha efiye athu ajinji mu ndina naaga yiirege: <Miyo gili Kirixtu ole aroromeliwe>, eneere waaholosa athu ajinji.

<<Vano nyo muneerege ooharahariwa, woonihiwa goyi, amohi ofiyedha opiwa. Munakala owiiddiwa ni malogo maatene, mwaha wa ndina naaga. Mudhidhi oyene athu ajinji enoodha ehiye nroromelo neewa, epelekanege ni wiiddana. Eneerege okumelela anamavuhulela ajinji ooratha, yaanyengethege athu ajinji.

Oliye ahaakulaga, wiira: <<Pole-pole, ahikalevo oneere ooholoseni.

Mowindo nyo mwiisasanyedhe, vowi mudhidhi ohunoobuweleliinyu, Mwaana a Muthu fineeriiye adhe.

<<Mowindo eng'anelani mwaha wi kamunonile nlabo nnadha Nabwiya eenyu.

<<Mbwenye dha nlabo nddo ni mudhidhiya kalivo ononile, naari angero a odhulu kinonile, naari Mwaana kanonile, ononile di Babe baahi.

Ginawogela ela vowi eneere okumelela athu ajinji ooratha, eneerege: <Nili Kirixtu ole aroromelihiwe> ni anamavuhulela ajinji ooratha. Makuru meenddi ala eneerege waanyengetha athu, yiiragana dhitoonyihedho ni dhootikiniha dhuulubale, mowindo eneerege oxixa wi dhaandeyaga, yanyengethege ni oosakuliweene a Mulugu.

Dhapadduwile malabo a Nowe teto sinapadduwe odha wa Mwaana a Muthu. Mudhidhi olene ehinafiye malabo a mutokora athu yooja, yoong'wa, yootela ni oteliwa, ofiyedha nlabo navolowile Nowe mmwanddeyani mulubale. Kayanonelemo yego ofiyedha ofiya mutokora, waadhowiha aatene. Dhinadha dhiireyege ndo odha wa Mwaana a Muthu.