Popular Bible Verses from Wambeela 37

Share

Nlabo nimohi Zhuuze ahirohaga, odha wawaaddela addibile dhego dharohiligiiye. Wambeela vevale yaheenjedhedha omwiiddani weewa okwaranya omambeelelo.

Ezarayeli ahimudhivelesa Zhuuze waakwaranya anaaye amohi, vowi ambalile agooluvale. Ahimusonela oliye mukanjo wooriya.

Addibile vooniligiiwa wi babiiwa onomudhivela Zhuuze waakwaranya ahima amohi, yahimwiidda, naari kayamulojela.

Zhuuze ahirohaga, wawaaddela addibile, wiira: <<Peeno gihiroha. Nduwa, mweeri, ttendderi kumi ni emohi, dhaatedhene dhenda dhahigirija, dhigikokorelaga miyo>>.

Mowindala addibile yahimukalelave omwiidda, ababe yowuubuwela yooroha ele.

Zhuuze ahiiraga: <<Vuruwanani yego girohiliimi. Hiyo naamaganyile mapiddi eehu omidda, vevale nipiddi naaga nahiimela, mapiddi eenyu yahaapeelela naaga oworomela nipiddi naaga>>.

Ohukweya! Nimpe, nimuthathilele vaceelani yowumma okokolani wuno, nawoge wi mwaneenyama dimutakunile. Noone oroha waaye oneeriiwa ogomele!>>

Vevale aZhumayili ale, aliba malondda a oMidiyani, eviraga, addibile yahimvenyihagamo Zhuuze muceelani. Yahimugulihaga ni korowa dha parata makumi meenddi. AZhumayili yahimudhowagana Zhuuze wEgubuddu.

Yahiiraga mmohi ni mukwaaye: <<Onoodha namaroha ole.

Addibile yamoonilege adhaaga woolapelawene, ahinafiye yahipanganelaga ompa.

Aheenjedhedhaga owoga, wiira: <<Kamuthathile mwazi! Niire omvokedha vaceelani okokolani wuno baahi, muhumporose ni madada eenyu>>. Oliye afunaga omwaakihedha wa addibile wi amuwelelihe wa babe.