Popular Bible Verses from Okuma 32

Share

Athu vooniligiiwa wi Mozezi onoribeliwawo omwaangoni, yahimurijaga Aroni, yiiraga: <<Venya, onisasanyedhe amilugu oonisogolela, vowi mulobwana ole Mozezi, onivenyihile wEgubuddu, kaninonile yego emwiireyele>>.

Nuwindo NABWIYA ahiwogaga ni Mozezi, wiira: <<Odhowe, okitele muddibani, vowi mulogo waawo oyene wakumihiliimi wEgubuddu, ohubwanyuwa. Mowaaguva ehihiya dila eyene gaathongeliimi; ehiisasanyedha nakoro mung'onong'ono a ng'ombe a oro woonyungulusa, othithimihaga eyene ni okuthela mukutho, yiiraga: <Ee, aEzarayeli, ba alena amilugu ayene yanivenyihile elabo ya wEgubuddu> >>.

Aroni vooniligiiye, ahisasanyaga niburo na mukutho vakukuuve va ng'ombe elene vano ahilaleyelaga, wiira: <<Menselo onookala mathanga a NABWIYA!>> Omenseloni wiwa yahibehedhaga okutha mukutho, odhana dhooveleela dhoopahiwa ni dha murenddele. Athu yahikaraatigi, oja, ong'wa, vano yahithabaga.

Omenseloni wiwa Mozezi ahiwogaga ni mulogo, wiira: <<Nyoovo mwihiirana yoothega yuulubalene. Dhiinova, ginoogwela odhowa wa NABWIYA, ginoodha gilobe okurumuweliwa yoothega yeenyu>>.