Popular Bible Verses from Okuma 20

Share

<<Miyo gili NABWIYA, Mulugu aawo, guuthukule mwiilaboni ya wEgubuddu wewo waaliiwe mudhaari. <<Ohukalena mulugu mmohi, ahili miyo.

<<Ohiisasanyedhege engamuthu yoosemiwa, naari yoofwanafwaniha emohi ya yego eli odhulu, naari va elabo ya vati, naari dha mmahinjeni vati va elabo. Ohukokorelege dhedho naari weebedha; vowi miyo gili NABWIYA, Mulugu aawo, Mulugu ahaje. Ginowawooniha goyi ayene enagithegela ofiyedha wa ahima, a aniiwa teto ni aniiwa.

<<Waariihege ababo ni amaayo wi malabo aawo yinjive mwiilaboni NABWIYA, Mulugu aawo yuuvahiliiye.

<<Wuubuwelege weeliha nlabo noovuma.

<<Kuromolege ndina na NABWIYA, Mulugu aawo ebeweene, vowi NABWIYA onomooniha goyi oyene onaromola ebeweene ndina naaye.

Malabo matanu nammohi ohidde ni omariha mabasa aawo maatene. Mbwenye nlabo na neetanu nabiili thi nlabo noovuma na NABWIYA, Mulugu aawo. Kuhiddege mabasa: naari weevo, naari mwaanawo mwaana-mulobwana naari mwaana-mwihiyana, naari mwiimeleli aawo a mwaana-mulobwana ni a mwaana-mwihiyana, naari aneenyama aawo naari namadha onakala ni we.

<<Kukalelege nrima nyuba ya mukwaawo. Kumukalelege nrima mwadha mukwaawo, naari mwiimeleli aaye a mwaana-mulobwana, naari a mwaana-mwihiyana, naari ng'ombe yaaye, naari buuru aaye, naari yego emohi ya mukwaawo>>.

<<Kumwiinkedhe mukwaawo.

<<Kuraruwe.

<<Kumpe muthu.

<<Kawiiye.