Popular Bible Verses from Židovuri 4

Share

Ke e vorba le Devleski si živindi ai zurali, mai skutsome sar jekh xanřo varesavi kai šinel pa le dui riga, žial ži kai te hulavel ai o duxo ai o ilo ai le, kokala ai o moxo; voi del pe e kris so gindis ai le ginduri le ileske.

Pašuvas siguro ka o skamin amperatisko le dragosko, eta t'arakhas mila ai t'arakhas dragostia, t'ažutin ame ande so trubul amen.

Ke nai amen jekh baro rašai kai či lel sama katar amaro kovlimos; kaver fialo, vo sas zumado sar amende ande sa le dieli, bi te kerel bezex.

Khonik naštil te garadiol angla o Del, numa sa si nange ai dikhen le le jakha kudaleske kaske ame musai sa te phenas.

Kadia, sar si amenge jekh baro rašai kai nakhlias o čeri; o Jesus, o Šiav le Devlesko, bešas zurales ande o patiamos kai ame phenas.

Te thas ame zor te das andre ande kudia hodina, eta ke khonik te na perel tele te sikavel sa jekh fialo ke či patial.