Popular Bible Verses from Galatian 6

Share

Te na mukas ame te na keras o mištimos; ke ame kjidasa kana avela e vramia, te na mukasa ame tele.

Kadi si, žikin šai daštisaras, te keras o mištimos karing sa, ai mai but karing le phral kai patian.

Ninkeren o pharimos jekh le kavreske, ai tume kerena kadia o zakono le Kristosko.

Na šibin tume: či maren mui katar o Del. Sa so jekh manuš thodias te bariol, vo kadia kjidela.

Kudo kai thol te bariol so si drago peske, kjidela o merimos, numa kudo kai bariarel so si drago le Duxoske kjidela katar o Duxo o traio pe sakda.

Phralale, te si jekh manuš ke len les ke kerdias varesavo doš, tume kai san ande o Duxo, vazden les jekhe kovle duxosa. Le tu sama, daratar ke vi šai t'aves zumado.

Te si varekon ke gindil pe ke vo si varekon, makar ke von nai khanči, vo korkořo diliarel pe. Ke sako te lel sama so kerel, ai atunči šai luvudil pe katar leske butia, na sar lela sama sar keren le kavre; Ke sako ningerela pesko pharimos.