Popular Bible Verses from Galatian 5

Share

Numa e fruta katar o Duxo, si o kamimos, e veselia, e patia, e řabda, o lašimos, e mila, o čačimos, o kovlimos, ai o ninkerimos. O Zakono nai pe kudala dieli!

Me phenav kadia: Phiren sar si o Duxo, ai tume či kerena sar kamel o mas.

Te traisaras ame katar o Duxo, vi mai phiras sar si o Duxo.

Kudala kai si le Jesus Kristoske karfosarde o mas ai so sas leske drago ai so kamelas.

Eta sar le butia le maseske si sikade; o lažiav, o mahrimos, e kurvetsia; o řudjimos ka le vobrazi ai o drabarimos. Aven dušmaia jekh avreske, čingaren pe, xan pe sar le žiukel, xoliaren pe, hulaven pe ai sako žial pe peski rig; kamen te len avrestar, mation ai xan but, ai keren aver kasave dieli. Me phenav tumenge angla savořende, sar mai phendem, ke kudala kai keren kasave dieli, či avela lenge e amperetsia le Devleski.

Phralale, tume san akharde t'aven slobodo, ferdi ande kudia slobodia te na train sar si o mas; numa den tume, katar o kamimos, služi jekh kavreske.

Ke o mas kamel so či kamel o Duxo, ai o Duxo kamel so či kamel o mas; von maren pe maškar pende, eta ke tume te na keren so tume kamen.

Ke sa o Zakono si thodino ande ferdi jekh vorba, ande kadia: T'avel tuke drago tjiro vortako sar san drago tuke.

Na roden jekh intaino vestimos, te xoliaras jekh kavres, te kamas te las jekh kavrestar.

Si t'avas skipime ke o Kristo skipisardias ame. Bešen zurales, ai na muken tume mai jekh data t'aven phangle ka o služimos.